ព្រះសីហនុ៖នៅថ្ងៃទី១៨ខែសីហាឆ្នាំ២០១៣ សិស្សានុសិស្សនៃសាលាបច្ចេកទេសដុនបូស្កូខេត្តព្រះសីហនុបានទៅចូលរួម ក្នុងការសំអាតបរិស្ថាននៅឆ្នេរអូឈើទាល ដែលជាឆ្នេរស្អាតជាងគេនៅក្នុងប្រទេសកម្ពុជាហើយក៍ជាឆ្នេរដែលប្រជាជនតែងតែចូលចិត្តទៅកំសាន្ដលំហែកាយ។
ដោយសារតែមានប្រជាពលរដ្ឋទៅកំសាន្ដនៅទីនោះច្រើន ហើយមានប្រជាពលរដ្ឋមួយចំនួនតូចបរិភោគហើយចោលសំរាមផ្ដេសផ្ដាស គ្មានអនាម័យ បាត់បង់សណ្ដាប់ធ្នាប់ ដូច្នេះធ្វើឲ្យបរិស្ថានកង្វក់ នេះជាហេតុដែលបណ្ដាលឲ្យឆ្នេរសមុទ្រមិនស្អាត ធ្វើឲ្យបាត់បង់ភ្ញៀវទេសចរណ៍ជាច្រើនពិសេសគឺភ្ញៀវបរទេសតែម្ដង។ រដ្ឋាភិបាលសង្កេតឃើញថាឆ្នេរសមុទ្រសំបូរទៅដោយសំរាមពាសពេញឆ្នេរសមុទ្រទើបបង្កើតឲ្យមានការចុះសំអាតបរិស្ថាន ក្នុងនោះក៍មានសិស្សានុសិស្ស និង លោកគ្រូ អ្នកគ្រូ នៃសាលាបច្ចេកទេសដុនបូស្កូខេត្តព្រះសីហនុបានទៅចូលរួមសំអាតដោយភាពរីករាយ ក្នុងការចូលរួមនេះមានរយៈពេលប្រហែល ៤ម៉ោង។
ជាចុងក្រោយនេះក្នុងនាមយើងខ្ញុំជាយុវជនសូមអំពាវនាវដល់ ប្រជាជនខ្មែរ និងជនបរទេស ដែលបរិភោគអ្វីមួយហើយសូមដាក់
សំរាមនៅក្នុងធុងសំរាមអោយបានត្រឹមត្រូវដើម្បីជាការមាននូវសណ្តាប់ធ្នាប់និងអនាម័យល្អដល់ឆ្នេររបស់យើងទាំងអស់គ្នា។
សំរាមនៅក្នុងធុងសំរាមអោយបានត្រឹមត្រូវដើម្បីជាការមាននូវសណ្តាប់ធ្នាប់និងអនាម័យល្អដល់ឆ្នេររបស់យើងទាំងអស់គ្នា។
