ពិធីសម្ភោធដាក់អោយប្រើប្រាស់នូវផ្ទះឪពុករួរនឹងអាងទឹក

កំពតៈនៅថ្ងៃព្រហស្បតិ៏ទី៣១ខែតុលាឆ្នាំ២០១៣សាលាបច្ចកទេសដុនបូស្កូខេត្តកែបមានការពិធីសម្ភោធដាក់អោយប្រើប្រាស់ជាផ្លូវការនូវផ្ទះលោកឪពុករួនឹងអាងទឹកក្រោមអធិបតីភាពដ៏ខ្ពង

ខ្ពស់
របស់ លោក​ ជ្មីតអ៊ីស្លែ អូលីវីយេ ជាអភិបាលនៃព្រះសហគមន៏ភូមិភាគភ្នំពេញ​ លោកឪពុក ចន ជាប្រធានមូលនិធិនៃអង្គការដុន បូស្កូ ប្រចាំកម្ពុជានិងម្ចាស់ជំនួយមកពីប្រទេសអាល្លឺម៉ង់។

 កម្មវិធីនេះបានប្រព្រឹត្តទៅចាប់ពីវេលាម៉ោង ២ រសៀលបានបន្តរហូតដល់ម៉ោង៤ រសៀល​ក្នុង

កម្មវិធីនោះផងដែរក៏មានការសំដែងរបស់សិស្សានុសិស្សនៃសាលាបច្ចេកទេសដុន បូស្កូមានដូចជា

 របាំជូនពរ ការរាំចង្វាក់តាលុង ការ​រាំចង្វាក់ណាំណាវនិងចង្វាក់ឌីស្កូ(Disco)។ បន្ទាប់ពីចប់ការសំ

ដែង  លោក ទាវ ហេងឡាយ ដែលជានាយកនៃសាលាបច្ចេកដុន បូស្កូ ខេត្ត កែបបាន

ធ្វើរបាយការណ៏ស្តីអំពីការសាងសងនៃមណ្ឌលយុវជនលោកឪពុករួរនិងអាងទឹកដែលមានកំពស់

៥ជាន់ដែលអាចស្តុកទឹកបានរហូតដល់៨០០០០លីត្រនិងមានអាងក្រោមដីអាចស្តុកទឹកបានរហូត

ដល់៥០០០០លីត្រក្រោមការឧបត្ថម្ភរបស់ការិយាល័យកណ្តាលនៃមូលនិធិដុន បូស្កូ។

បន្ទាប់មកលោក ជ្មីតអ៊ីស្លែ អូលីវីយេ បានមានមតិសំណេះសំណាល់ជាលោកគ្រូអ្នកគ្រូ

ក៏ដូចជាសិស្សាសិស្សទាំងអស់អោយចេះមានការគិតរកនូវអ្វីដែលយើងចង់បាននាពេលអនាគត់។

ជាចុងក្រោយលោកក៏បានធ្វើការកាត់ខ្សែបូរដើម្បីដាក់អោយប្រើប្រាស់ជាផ្លូវការ​នូវមណ្ឌលយុវជន

លោកឪពុករួរនិងអាងទឹកសំរាប់សាលាបច្ចេកទេសដុន បូស្កូ ខេត្ត កែប។